東京富士10日行程表:東京駅->築地->六本木->teamLab Borderless->池袋->富士淺間神社->御殿場Premium Outlets->山中湖->富士野生動物園->仙石原->箱根->小田原->上野->Skytree->淺草  
行程時間和天氣: 聖誕到新年期間,溫度:幾度至十幾(富士山地區更冷),無雨無雪有陽光(有租雪胎)
第1天
成田國際機場 客運大樓 2
晚上7:30pm到達,落機先去醫肚: 麵館空海 (位於4樓,很多餐廳和商店也是位於4樓,麵館空海用法式高湯的製法,在拉麵館首創用豬骨,雞骨烘烤後熬製成湯料。叫左味噌拉麵不過太鹹了,沾麵還好,餃子ok。不建議去!!)
        
坐下後避免售票處關門我先走去1/F買:
1. Sky Access特快從成田機場直達押上(Oshiage),晚上時間要在青砥轉車(其他時間可以直接去押上),在青砥步行到對面的火車就是前往押上。售票地點:京成電鐵車票售票處1/F(晚上9點關門)
2. Tokyo Subway Ticket 48 hours 無限次乘搭東京Metro 地鐵與都營地下鐵全線 大人: 1,200日元、兒童: 600日元。不包括台場線(去台場當天先知道我們需要買票)。售票地點:京成電鐵車票售票處1/F或是B1京成旅遊服務中心*晚上10點關門)

   ↓(1小時)

東京押上普瑞米爾里士滿酒店 (Richmond hotel premier tokyo oshiage) (地點:東京Skytree和押上站的對面,隨時可在樓下打卡。 成田機場搭乘京成成田スカイアクセス不到1小時即抵達。 B3出口(有𨋢大型行李都無問題)過一個馬路就到,極方便;旁邊就是晴空塔商店街和許多餐館,酒店B/F就有2層超市(晚上12點關門,新鮮水果位於最低層),去淺草和上野都有公車直達;lobby 在 5/F、行李推車、自助退房、加入會員可以延遲退房、12歲以下兒童入住無料、有免費點播的電影、在房間裡有handy智能手機,根本可以當作自己的手機使用,日本4G網路,還可以打回家,通通免費還可以帶出門;房間:我們選擇了高級雙床房加一張床(房間面積:38 平方米/409 平方呎),房間空間很大比東京的大得多,大行李箱平放都不是問題。聖誕期間預訂東京3人房酒店沒有太多的選擇。這家酒店是一個非常好的選擇!先後住了五晚,非常滿意,旺中帶靜。 更多酒店資料&價格 )
                       
第2天  
酒店

   ↓(15分鐘)

Pelican cafe (Tabelog Top 5000,1942年創業的人氣麵包舖老店 9:00~17:00,沒有在線預訂服務,9:15左右到達,等3張檯10-15分鐘左右。吐司是用炭火烤的,好吃!蛋治也好吃!厚切炸火腿三明治一般般,塊火腿真是唔得。老實說,麵包不是想像中的非常鬆軟,咖啡也不好喝(用白糖就知唔係好得),如果需要等待超過30分鐘,我會去別的地方)
     

   ↓(30分鐘)

東京駅日本橋高島屋 Pokemon Cafe & Tokyo DX館 (去朝聖,因為我的孩子非常喜歡Pokemon,日本橋也是1997年寶可夢官方正版商店「寶可夢中心」一號店所在地,現在有第一間Pokemon Cafe,如果要去坐預約較好,我們去了很多Pokemon cente,Tokyo DX館內產品品種最多和它有個Touch screen顯示Pokemon資料的屏幕牆很型。)
              

   ↓(5分鐘)

東京駅一番街 (很好逛的地方,裡面吃喝玩樂通通都有,當然去買齊又新又靚的手信!東京動漫人物都集合在這條街,絕對是親子出血好地方,本來不想買很多東西因為之後需要去多幾個地方,但是卻無法抗拒,買了一大袋過了預算時間)
              

   ↓

東京駅拉麵街-Soranoiro Nippon (過了預算時間近近地我們去東京駅拉麵街看看,我們看到一間米芝蓮推介的拉麵店"Soranoiro Nippon"然後衝左入去,真心好食!!拉麵和飯都好好食!好在行耐左食左間超正拉麵)
           

   ↓(10分鐘)

東京駅車站 (行去看看擁有百年歷史東京最壯觀華麗的丸之內車站,東京的丸之內其實是經過非常嚴重的損毀的車站,車站原本建立於1914年,由日本非常著名的建築師「辰野金吾」為核心設計的,整個建築呈現紅磚搭配花崗岩與人造石,這樣的建築特點被稱為是「辰野流」。臺灣有不少這類的設計風格)
     

   ↓(30分鐘)

六本木 Harry Hedgehog cafe (零距離同刺猬接觸,呢間HARRY Cafe有兩層,二樓係刺猬Cafe,三樓係兔仔Cafe。刺猬好可愛呀但統統都眠了,將眠了的佢哋放上手然後佢哋會用9秒9的速度爬番去眠,攪多幾下會醒,一小時對我來說有點長!!去前要預約,無預約嘅人有機會無得入去Cafe同刺猬玩,可以利用網上預約,預先確認時間。仲要留意遲到的話,預約會被取消。我哋幾個月前預約去到嘅時候都full,可能係聖誕)
           

   ↓(5分鐘)

六本木之丘 (六本木之丘聖誕欅坂燈飾,除了有欅坂燈飾及在66 Plaza擺放高10米的真聖誕樹,而且更有聖誕市集可逛,點燈日期:11月上旬至12月25日,點燈時間:欅坂燈飾 5pm~11pm;66 Plaza 5pm~12am,我哋大約5鐘去到都開始四圍都係人,要影東京鐵塔加銀樹大街嗰個位全部都係人,呢個Google Maps的連結就係去到影東京鐵塔嗰個地方)
        

   ↓(5分鐘)

六本木 Tokyo Midtown - 酢重正之 (原本諗住去食鐵板燒(鉄板焼きあおやま),之前喺網上見到大部份都係食聖誕套餐而且很貴,所以碰碰運氣walk in去一些沒有聖誕套餐的鐵板燒看看,去到都係full晒!唯有去商場入邊這間酢重正之餐廳,大約6:00到去到等候時間大約10至15分鐘,食物亦相當不錯而且價錢不算太貴,食物就是日本家庭菜式,六本木的餐廳大部份都很貴。不知道是不是聖誕節的關係,用膳時間是有限定的)
           

   ↓(5分鐘)

Midtown Christmas (食完飯,就去排隊睇這個聖誕燈飾表演(點燈時間:17:00~23:00),以『宇宙』為主題,打造立體壯觀的燈光show,大約排咗一個鐘先開始睇,可能係最後一日特別多人,睇嘅時間大約用咗10至15分鐘,不過都幾值得燈飾好靚。睇完燈飾去咗HARBS買甜品返酒店食,好多熱門的蛋糕都售罄!)
        

   ↓(45分鐘)

東京押上普瑞米爾里士滿酒店 (勝在間房夠大,喺房入邊食甜品開餐完全冇問題)
更多東京酒店
第3天  
酒店 check in

   ↓(45分鐘)

台場Bills (在網上看Bills資料的時候,又話全世界最好食在的早餐,實在有啲誇張!好食就幾好食不過冇講得咁誇張,我哋之前在網上預約的時候見到full,一心諗住去台場Eggs n Things,不過都係唔死心諗住walkin去睇下,點知得個幾個人,就好開心地去食這個早餐。我諗台長呢一間如果你早去就不需要預約了,我哋是大約9:30去到)
              

   ↓(10分鐘)

Teamlab Borderless (食完個早餐,就行十分鐘去睇Teamlab Digital Art ,這間在2018年開幕,十點鐘正式開場,去到大概十點十五分,已經開始要排隊,大約排了15至30分鐘先有得入場,用了兩至三個鐘頭影相和參觀,入邊有locker,可以放低背包,入邊人都很多,不過非常新鮮有趣,一定要去睇。入邊有幾個展館是需要排隊的,入邊因為太黑所以經常迷路,我哋找出口找左10至15分鐘先至搵到,最後都是問職員出口在哪裏才搵到。 一定要上網預約,買完飛之後你會有個QR code, QR code放在電話入邊入場的時候佢會Scan 就入得。建議大家去到先排Forest of Resonating Lamps展館因為每次只限10至20人入,所以有排等,我哋最後都有一個展館是沒有入到的,因為人太多又搵唔到入口在哪裏,所以在出口睇一睇就走)
                 

   ↓(30分鐘)

築地市場 (冇諗過去豐州市場因為怕新開張好多人,先去築地市場掃街用左4000円買咗個拖羅嚟食但係非常不值得,食落有根。築地場外市場已整合成新的商業設施「築地魚河岸」,佔地約2千坪的 3 層樓建築中,共有60間店,有不少平靚正海鮮美食,不用排隊都可以嘗鮮!在街市裡買了食物後三樓天台食空有晒枱椅隨便吃,露天平台可眺望築地市場,前座的Food court點餐!餐廳部分共有五家食店,全都是於築地場內開業多年的老店,除了去築地必食的海鮮丼之外,還有咖喱、中華、炸物、喫茶等,間間都好吸引。因為個細路唔食魚生,所以呢個係一個唔錯嘅選擇,佢可以喺度喺度食咖喱飯,大人就食魚生海鮮。)
                    

   ↓(45分鐘)

Pokemon Center Mega Tokyo (來朝聖位於池袋的太陽城購物中心二樓的寶可夢中心,占地十分廣闊,分為Pokémon Center和Pokémon Store兩種店面, Pokémon Center是大型專賣店、而Pokémon Store規模較小、主要販售熱門商品。*在店內或商場內都沒有退稅的地方。)
     

   ↓(10分鐘)

owl cafe Ikebukuro (位於池袋的貓頭鷹咖啡就在大排長龍的無敵家拉麵樓上,池袋西口步行5分鐘即可抵達,每一小時為一批所以在前往東京前,我們預約 首次近距離見到毛茸茸的貓頭鷹。一人只有兩次機會可以將貓頭鷹放在手上拍照哦!入到去啲毛四圍都係,所以有鼻敏感千祈唔好去,其實啲貓頭鷹都幾慘,困係間房道。大人1200円・高校生以下1000円)
           

   ↓(10分鐘)

Kitchen Check (原本諗住去食一間幾出名嘅忌廉烏冬但係去到俾人包左場,唯有去一間日式豉油西餐Kitchen Check,諗住幾特別懷舊下,但係其實入邊啲油煙好勁同埋食物麻麻哋。個蛋包飯唔好食可以唔好去)
     
更多東京酒店

第4天  
酒店

   ↓(10分鐘)

Kameya 石窯店 (今日自駕去富士山,所以我趁其他人梳洗嘅時候就去買包返嚟當早餐食慳啲時間。大概10分鐘左右就去到,一間很地道的麵包店入邊好多不同種類的麵包,鍾意食包嘅人士一個不錯的選擇)

           

   ↓(5分鐘)

Nippon rent a car Skytree (取車過程大約15-20分鐘,檢查車子有沒有花痕,如果發現記得讓租車員工知道,有租ETC卡! 4天 51,624日幣。租車時需注意:借還車日期、車種、還車地點、GPS 語言系統以及租車保險問題。還車時請加滿油或可以直接返回租車中心,以現金的方式支付所需的加油費,通常比自行入油的費用貴一些。租車保險:原則上租借價位中都已經包含了賠償基本損傷的保險,只是若是發生事故的話,必須再額外支付 5 萬日元〜10 萬日圓費用。你也可以買一些包括自駕遊保障的旅遊保險)

開車注意事項

左轉時,行人交通燈同樣為綠燈,請慢駛或停車以讓行人優先過路。
  
左轉時,對向直行車輛優先行駛。
左轉時,請確應左側是否有車再左轉。
右轉時,相反方向同樣為綠燈,請在虛線方格內等候沒有其他車駛過時方可橫過。
  
右轉後,既得靠左行駛。
  
高速公路限速80km,一般道路限速40-50km
發生事故或遇故障應立即停駛,請先確認自身安全後向警方報案(電話:119) 處理,並聯絡租車公司。


  

   ↓(2小時 - 東京啲高速公路都幾多車慢慢行左一陣先至暢通無阻,預多些少時間去目的地)

小作 河口湖店 (原本諗住去一間好出名嘅"山麓園"傳統爐端燒料理餐廳,點不知去到裝修定唔知執笠,所以嚟咗這間食,之前喺網上見到嗰個烏冬好似麻麻地,好似林謝謝咁,但係食落原來好好食,另外嗰個天婦羅炸蝦飯都好食,真係要來!地方很大不用擔心等太久 0555-62-5391/MC: 434 283 258*06 )
           

   ↓(5分鐘)

Fujimaya Cookie (去買富士山曲奇手信,價錢稍貴不過幾好食,我的小朋友很喜歡,鋪頭前邊得一兩個車位根本泊唔到,但係對面有個很大的免費停車場任你泊。都幾多人來! 0555-72-2220/MC: 161 302 119*31 )
     

   ↓(10分鐘)

新倉富士淺間神社 (講明先嚟呢度嗰個停車場雖然是免費但係好考技術,得一條線有對頭車,遇到對頭車的話,有可能需要倒後落斜或上斜。拍低架車之後行咗398階的石階梯嚟呢度就係為咗影呢個「新倉山淺間公園」富士山美景,上到嚟嘅時候好多人好難俾你靜靜地去影一張相,不過好好彩,上到嚟見到富士山全貌,不過下晝嚟影人像的話是背光的,比較難影,要自己加光。我諗如果想影一張好靚人景合一的打card相,選擇早上或正午來就一流。 MC: 161 276 581*13 )
  

   ↓(30分鐘)

Sunnide Resort ( 參閱了很多網誌訂了這間千一景一泊二食,真的CP值大爆炸,絕對推介,1000個滿意,完全面對富士山,好像在看一幅畫.房間設備很OK,很舒服!!風呂很大,很乾淨可一邊溫泉一邊欣賞富士山,泡完澡坐在按摩椅上看著富士山也是一大享受。和室的房間很闊窗戶也大看山看湖毫無阻礙,晚餐非常精緻根本超過住宿費用!服務也很周到,接待人員和餐廳員工都很熱情有禮。若再到河口湖會再選擇入住!!!嗰日去天氣好好富士山完全睇晒連啲職員都攞起手機黎影!記住訂左咁貴的靚溫泉酒店一定要早啲嚟唔好玩得太晏先來,先浸溫泉之後去食晚飯 更多酒店資料&價格 0555-76-6004/MC: 161 360 386*35 )
                 
                 
        
更多富士山酒店
第5天  
酒店

   ↓(40分鐘)

御殿場Premium Outlets (預咗半日去買嘢,主要去asics 買波鞋,二百零蚊就有一對非常之抵,另外有一間好少見嘅Pokemon outlet不過入邊冇咩特別野買都係一般公仔同埋一啲文具,唔算吸引亦都唔算太平所以冇買到,我個Map code是最近我要去買波鞋嘅停車場,另外名牌嗰邊有一個停車場不過唔啱我,最後行到晏晝去咗一間連鎖店食中華料理"工虎餃子房"見到都有不少人牌點知中伏,最好唔好去- Asics (2025)/Nike (East 1100)- Pokemon store (2630) - 富士山頂皮卡丘- Dinsey store (1660 公仔等差不多4-5折)/Lego (East 1130)- Beams(2900)山系的日本服飾或休閒風格服務台出示您的護照,即可領取優惠券手冊,僅限外國人遊客 Parking Lot P7 - MC: 50 806 424*83 )
        

   ↓(30分鐘)

Papermoon (呢一間真係要來食甜品,地方靚、蛋糕好好食、咖啡OK。Tel:0555-62-2041/MC: 434 287 069*02)
           

   ↓(5分鐘)

山中湖富士 ( 食完蛋糕就諗住去影鑽石山富士,點不知去到大約4點鐘已過咗個時只係見到個太陽係富士山後邊所以如果要去嘅朋友記住check清楚時間同埋唔好遲到。 山中湖是富士五湖中最高最大的湖泊,不過也是富士五湖中最淺的一湖。12月日落在15:30~16:30左右 長池親水公園 駐車場 MC: 161 015 724*54)
  

   ↓(20分鐘)

山中湖富士萬豪酒店 (離山中湖有一段距離,不過也相對安靜隱密,住宿氛圍讓人放鬆,房間非常舒適,三個人住很寬敞,衛生間也夠大,服務人員都非常友善親切!配有兩個溫泉,一個是露天的,能看到富士山的美景,另一個帶有桑拿房。從三樓向外看,富士山清晨的景色驚人地美麗。喜歡它的早餐,雖然是buffet但感受到料理的用心,食材也很好,餐廳有一大片落地窗,窗外是很美麗的樹林。這是一間新改裝的萬豪酒店,酒店裝潢的很漂亮,免費停車,強烈推薦。體驗更好可以試頂樓的客房,內有私家溫泉。今晚沒有出去食晚飯只係叫咗個room Service,同埋喺7–11買咗好多零食和杯麵做為今晚嘅晚餐,間房夠晒位開大餐。 tel: 0555-65-6400/MapCode: 161 080 359*38 更多酒店資料&價格 )
              
更多富士山酒店
第6天  
酒店

   ↓(1小時)

富士野生動物園 ( 今日離開富士山五胡地帶,去箱根。途經這個動物園可以作為一個很好的終轉站。因為係山上邊這裏的氣溫比較凍, 最好帶多啲禦寒衣物,因為要坐巴士導覽車在戶外的時間很長, 各種動物造型的導覽車,非常的可愛又逼真, 一台車大約可以坐約40個人左右,分為兩邊,哪一邊都沒啥關係,都會看的到動物的, 但是動物造型可能就沒辦法選擇了,依照時間來分配的。 055-998-1311/MC: 50 607 622*45 )
              

   ↓(45分鐘)

仙石原 一之湯 ( 2017年開幕!!所有客房附天然溫泉半露天私人風呂(面向樹林);大浴場設有混濁泉質的露天風呂。提供日式浴衣。房間面積比較細也可以放得下兩個完全打開行李箱,可供2-4人入住的和室亦只是355呎房間蠻寬敞,不過勝在抵住,如果你想找一間配有私人溫泉的酒店,這裏也許是箱根一帶最便宜的,隔壁是便利店,可以買一些零食晚上吃。前台服務人員的英語不錯。酒店漂亮,乾淨整潔,安靜。晚餐是「箱根山麓豚」shabu-shabu火鍋及有原條金目鯛,一尾約2~3人份,加了醬油提味,這金目鯛魚肉真的非常鮮嫩又帶點彈性,沾醬汁也很下飯,晚餐時飲品包括啤酒和清酒無限暢飲,推薦!。早晚餐超美味的,秋天入住,因為芒草季節可以看到一大片芒草。旅館分兩層,可是沒有升降機,需要自己走樓梯搬行李,如果是有小孩的家庭,入住地面的房間比較好 MC: 57 331 194*63 更多酒店資料&價格 )
                       
更多富士山酒店
第7天  
酒店

   ↓(5分鐘)

仙石原芒草 ( 12月尾去仍然可以見到很多的芒草,離酒店只有幾分鐘車程,最好就係有陽光之下去影相,泊車可以泊係對面的便利店。 另外對面有一間買法國麵包脆餅的鋪頭Grande Riviere (0460-83-8123)/MC: 57 300 523*40亦可以去睇一睇不過沒有買什麼因為不太吸引我。用這個Grande Riviere Map code可以找到便利店 )
              

   ↓(10分鐘)

Pola Museum of Art (幾乎所有印象派大師的收藏都有:莫內,塞尚,雷諾瓦,畢卡索,馬蒂斯,夏卡爾,達利... (鎮館之寶:莫內的”水蓮池”畫) 這館藏歷史也跟日本明治維新連結.. 館設計大量的玻璃建材 - 1,800日圓 生日當月來館人士,將贈送POLA美術館原創明信片。請於來館時向接待處出示生日證明文件。 之前去過荷蘭的梵高博物館,跟這裏比簡直冇得比,只有幾幅膜內的畫作。不過在亞洲地區都算可以去觀賞一下。睇完喺後邊條行山徑都行咗一個圈大約15至20分鐘呼吸一下大自然的清新空氣 0460- 84 -2111/MC - 57 302 387*73 )
           

   ↓(10分鐘)

餃子センター (Gyoza Center) ( 之前因為火燭的關係,這裏的鋪頭還在裝修當中,只有外賣服務但係你買完之後可以去佢2樓的地方坐下食。餃子是中華式的皮比較口肉比較多,可以跟白飯一齊食,很家庭式的餃子很特別不像平時食的餃子也很好味 0460-82-3457/MC: 57 276 183*60)
     

   ↓(5分鐘)

富士屋飯店麵包坊 PICOT ( 這裏的咖喱炸包很出名,箱根手信街也有一間鋪頭,但係這裏不用排隊而且款式更多又有甜品,不過第二朝早喺酒店返熱個咖喱咋包食,其實麻麻地。可能即食會比較好食 0460-82-5541/MC: 57 247 855*15)
        

   ↓(30分鐘)

箱根湯本 (手信街) (大約3:00去到大部份停車場已經爆滿,要搵位真係很難,我們最後在冇辦法的底下泊咗喺湯本富士屋酒店的停車場,他們有兩三個很大型的停車場,行返去手信街只不過5分鐘的路程。湯本観光駐車場(西)是入箱根的第一個停車場 - MC: 57 222 407*65)
              

   ↓(15分鐘)

東橫INN 小田原站東口 ( 越近1月1號日本大部份酒店都很貴,所以今次去一個小市鎮度個一晚, 小田原站東橫INN在2018年開幕,預訂了兩間雙人房價錢亦都很平,停車場在酒店對面,可以先停喺酒店前邊放低行李然之後去泊車。房間算比一般東橫IN的較大一點而且這間非常新淨,如果想平平哋住一晚這是一個非常不錯的選擇 距離車站近, 環境清潔, 房間闊落, 員工態度友善, 走幾分鐘就有便利店,附近就有超市和吉野家,離小田原城也算近,走路約10分鐘就可以到, ,作為出發去箱根區的起點很方! 0465-23-7045/MC: 57 319 031*37 更多酒店資料&價格 )
     

   ↓(5分鐘)

Sakana Cuisine Ryo (這一間是有米之蓮推介的,忘記了上網預訂最後去到冇位,諗住小市鎮應該冇乜人會去點不知都係咁。最後行咗去火車站的food court 食,食物一般般。)
  
更多小田原酒店
第8天  
酒店

   ↓(1小時15分鐘)

新橫濱拉麵博物館 ( 今日返去東京過年,原本諗住去這間橫濱拉麵管道作為中轉站,點不知去到休息!!之前喺網上睇的時候都沒有寫的,那那林就返東京先食lunch 045-471-0503/MC: 2 329 694*78)
  

   ↓(1小時 - 今日12月31號好多東京的市民都返咗鄉下,高速公路暢通無阻完全很流暢)

Nippon rent a car (還車 03-3621-4190/MC: 743 846*71)

  

   ↓(5分鐘)

東京押上普瑞米爾里士滿酒店 ( 更多酒店資料&價格 )
  

   ↓(30分鐘)

湯島天滿宮 (上野) ( 小朋友今年升中學,就來這裏其一祈福希望升到一間理想嘅中學,原本諗住12月31號應該冇乜人去點不知其實都幾多人,下午去到途中已經開始好多鋪頭準備屋台(攤販)擺街給人慶祝新年,相信晚上應該幾熱鬧 )
        

   ↓(15分鐘)

上野阿美橫丁 ( 一般東京市民都會再扮年貨到這裏,有很多大特價的食物和物件給人選購好好氣氛,這裏的人超多超多比起旺角更多,我哋來的目的純粹感受下當地人的節日氣氛,人多到根本你會走唔到埋去買嘢 )
        

   ↓(10分鐘)

上野家磯丸水產 ( 12月31號晚有很多餐廳到休息不做生意,大型連鎖餐廳就繼續營業,有好多不同種類的食物,就算小朋友唔食海鮮也可以食炒飯,這裏的蟹味增超好食,注意餐廳內是可以吸煙的 )
        
第9天  
酒店

   ↓(5分鐘)

Cafe Coconoha ( Skytree就喺酒店對面食早餐根本沒有問題,大部份餐廳1/1都營業,今日去這間食早餐有pancake食有西式嘅湯意粉很特別很好味 )
     

   ↓

東京晴空街道 ( 今日是假期我們選擇主要在商場入邊行街,有很多福袋可以購買有心水的請留意啦,有很多啲鋪頭都做大特價)
        

   ↓

江戸味楽茶屋 ( 這一間Skytree鋪頭比較少人排隊而且價錢偏貴一點點,食咗個味增shabu shabu很好食,因為個味增湯底太好食所以我們買了他的味增回家回港之後愛來做餸一流,超懷念!! )
     

   ↓(10分鐘)

淺草文化觀光中心 ( 下晝嘅節目就係去淺草寺感受當地人初詣(新年)的氣氛,首先我們先到這裏的頂樓看一看淺草寺的全貌 )

     

   ↓(5分鐘)

淺草寺 ( 新年參拜是新年傳統風俗習慣之一,當地人會到神社或寺院參拜,祈求「能有個美滿的一年」,稱為「初詣」(Hatsumoude)。寺外亦有很多小食和遊戲攤檔,充滿日本節日氣氛。 把錢丟進賽錢箱裡。為自己和家人朋友許下新年願望。值得一提的是丟的銅錢最好是五日圓。 我們剛出地鐵口已經好多好多人,指令人群在哪裏出入,大概排咗一個鐘頭小時先可以入到去淺草寺, 超搞笑,一入到淺草寺拜神的時候有一班人就遠距離抌啲銀仔入去好似榴彈泡咁樣滿天都係, 最後就係最期待的祭典掃街節目(逛屋台)一度行一度食超正超好氣氛 )

                                

   ↓(10分鐘)

Skytree 鉄板焼 摩天楼
(一直想來東京食鐵板燒今晚終於達成願望,晏晝的時候已經上來預訂座位,這裏可以說是鐵板燒的工廠,每個師傅負責一項材料,好似整龍蝦的他會不斷重複重複煎龍蝦 ,味道很好味不過小朋友唔食海鮮的話就冇乜嘢食只係得個炒飯,最後我的小孩不夠飽去了food court食個飯) Black Beef Wagyu ¥14,580 (雪蟹沙拉,炭烤海膽,鐵板鮑魚,招牌特選,主廚精選料理,嚴選黑毛和牛菲力牛排,本日推薦米飯料理,柴魚昆布湯,甜品,茶品)
                 
更多富士山酒店
第10天  
酒店

   ↓(5分鐘)

星乃珈琲 (今天就去另外一間食早餐,終於可以飲番杯好味的咖啡了,星乃珈琲店是知名連鎖店,Skytree 4/F 営業時間-8:30~22:00)
        

   ↓(1小時)

成田國際機場 客運大樓 2 (機場都有很多餐廳和手信給各位也有Pokemon Shop)

        
更多東京酒店
東京5日行程: 台場->富士電視台->彩虹大橋->迪士尼->上野恩賜公園->築地魚市場->朝日電視台->六本木 Tokyo City View->三鷹之森美術館(宮崎駿博物館)->銀座和光百貨 點擊這裡

自由行及自駕實用網站: 交通  MAPCODE   餐廳  天氣  酒店   機票  租車

實用App:
       
  1. Payke - 一掃條碼即譯藥粧資料,逛藥粧店時總搞不清手上的,到底是精華還是洗面乳,原來用Payke簡單拍下產品條碼,便能將上面的資訊播譯為中文,包括產品名稱及詳細介紹。App內也設有排行榜,列出現時最受歡迎的藥粧,食品,保健產品,電器等。
       
  2. 乘換案內 - 最好用的搭車APP,此搭車app有齊日本各地地鐵,JR,私鐵,飛機的交通資訊查詢,只要輸入起點,目的地便可搜尋最佳的轉乘方法。頁面會清楚顯示幾種乘車路綫的轉乘方法和次數,出發與到達時間,班次和車費等,旁邊標註「早」即是最早到達的方案,「安」則代表最便宜,而「樂」就是轉乘次數最少的意思,非常方便
       
  3. Tabelog - 日本最大的食評網,餐廳獲得3.5粒星或以上,已代表食物質素相當不錯,極具公信力。輕鬆一按就找到近期的東京Top 5拉麵店!此外,食べログ也設有「百名店」Top 100餐廳推介,以及每年票選出「美食界奧斯卡」The Tabelog Award。預約餐廳只需填寫姓名,電話和電郵等個人資料,毋需登記帳戶,若無當地電話號碼,也可以留酒店的電話號碼作通訊不過要註明自己是海外旅客,並請店家以電郵聯絡


如何book日本的餐廳?
  1. 有白金信用咭,就搵佢免費禮賓服務白金秘書book 餐廳
  2. 第一晚請酒店前台幚訂所有餐廰 (受歡迎餐廳或人多的話,幾日前book唔到)
  3. book完酒店後就email晒啲餐廳資料去酒店幫我book餐廳(不過唔係間間酒店都幫人代book,要普遍四星以上酒店先有呢個服務,三星都要睇邊間,最好book酒店前email去問下有冇呢個服務。)
  4. Tabelog 提供在線免費預約不過日文版才有預約服務(填妥個人資料-填寫前,要先將自己的英文名譯成平假名,才能成功填表)




行程: 九州自駕(北)  九州自駕(南)  名古屋白川自駕  沖繩自駕  東京富士山自駕  東京  大阪  大阪京都奈良  首爾  台北  台中  墾丁自駕  曼谷  曼谷布吉  新加坡  越南峴港  沙巴  澳門   

旅遊情報: 各找換店/銀行最新匯率  旅遊保險比較  揀行李喼秘訣  Hotels.com 最新折扣代碼   Japanican.com 最新折扣代碼